Upcoming cars in Indian Market | या नवीन कार लवकरच भारतीय बाजारात येणार - The Autogyan

        कोरोना (Covid-19) च्या संकटामुळे भारतीय अर्थव्यवस्था (Economy) कमजोर झाली आहे, परंतु तरी देखील सर्वसामान्य जनतेने घरात नवीन सदस्य रूपाने कार ला महत्व दिले. त्यामुळे या मंदीतही ऑटोमोबाईल क्षेत्र (Automobile Sector) सर्व उद्योगांवर वरचढ ठरले आहे. या मंदीत अनेक ऑटोमोबाईल कंपन्यांनी त्यांच्या कार खरेदी वर डिस्काउंट ऑफर्स किंवा इतर काही आकर्षक ऑफर्स दिल्या आहेत. सोबतच अनेक कंपन्या नवीन, स्वस्त, सुंदर, आकर्षक असे एक-से-बढकर एक मॉडेल बाजारात (Indian Market) आणत आहे. त्यामुळे जर तुम्ही नवीन गाडी घेण्याचा विचार करत असाल तर काही दिवस प्रतीक्षा करणे उपयुक्त ठरेल.

कार प्रेमी अनेक दिवसांपासून ज्या कार्सच्या प्रतिक्षेत होते, ज्या गाड्या खूप आधी बाजारात (Market) येणे गरजेचे होते, त्यांचे लॉंचिंग कोरोनामुळे लांबणीवर पडले, परंतु त्या गाड्या आता लवकरच भारतीय बाजारात येणार आहेत. भारतात चारचाकी (four wheeler vehicles) वाहनांच्या मागणीत दिवसेंदिवस वाढ होताना दिसत आहे. एकीकडे कोरोनामुळे अनेक कंपन्यांनी नव्या गाड्यांचे लॉंचिंग पुढे ढकलले आहे, तरीही ग्राहकांनी आपल्या आवडत्या वाहनांची बुकींग सुरूच ठेवली.

येणाऱ्या काळात यावर्षी भारतीय बाजारात दाखल होणाऱ्या कार्स...

1. Volkswagen Taigun

जर्मनी ची प्रमुख वाहन निर्माता कंपनी फॉक्सवॅगन लवकरच भारतात नवीन तायगुन (Taigun) कार लॉंच करण्याच्या विचारात आहे. ही कार फॉक्सवॅगन ने MQB प्लॅटफॉर्मच्या च्या MQB-A0-IN या नवीन प्लॅटफॉर्मवर बनवली आहे, जे पूर्णपणे भारतीय तंत्रज्ञान असून कंपनीने खास भारतात बनवल्या जाणाऱ्या कार साठी विकसित केले आहे. या कारचे बॉनेट सामान्य कारपेक्षा उंच असून ही कार फेसलिफ्ट SUV असल्यासारखी भासते. यामध्ये इलेक्ट्रॉनिक सनरूफ सुद्धा आहे. 

कंपनीने सांगितल्या नुसार Volkswagen Taigun मध्ये १.० लिटर आणि १.५ लिटर TSI पेट्रोल इंजिन असून 1.0 लीटर पेट्रोल इंजिनमध्ये ६ तर १.५ लिटर इंजिनमध्ये ७ मॅन्युअल आणि स्वयंचलित गिअरबॉक्स देण्यात येणार आहे. या कार मध्ये 10.16 इंच टचस्क्रीन डिस्प्ले असून त्यावर मल्टिमिडीया आणि AC कंट्रोल दिलेलं आहे. सुरक्षेसाठी यामध्ये 6 एअरबॅग्स, इलेक्ट्रॉनिक स्टेबिलिटी कंट्रोल, अँटी-लॉक ब्रेकिंग सिस्टम (ABS), इलेक्ट्रॉनिक ब्रेकफोर्स डिस्ट्रिब्युशन (EBD) आणि पार्किंग सेन्सर दिलेले आहे. यामध्ये टायर प्रेशर मॉनिटरिंग सिस्टीम सुद्धा उपलब्ध आहे.

भारतात Volkswagen Taigun ची स्पर्धा टाटा नेक्सन, किया सेल्टोस, ह्युंदाई क्रेटा, व्हेन्यू आणि मध्यम आकाराची SUV स्कोडा कुशाक सारख्या मॉडेल सोबत होणार आहे.

2. Hyundai Alcazar

एसयूवी कारची वाढती मागणी पाहून ह्युंदाई कंपनीने नवीन अल्काजर ही SUV भारतीय बाजारपेठेत आणण्याचा निर्णय घेतला आहे. ही 7 सिटर गाडी एसयूवी हुंडाई क्रेटाचे पुढील जनरेशन आहे. याचे ड्युअल-टोन इंटेरिअर या गाडीचे वेगळेपण आहे. याचा व्हीलबेस 2760 mm असून क्रेटा पेक्षा 150 mm जास्त आहे, यामध्ये 3 रांगेत एकूण 6 किंवा 7 सीट असणार आहे. 

Hyundai Alcazar च्या पेट्रोल व्हेरिएंटमध्ये 2.0-लिटर इंजिन आहे जे 159PS पॉवर आणि 192Nm टॉर्क जनरेट करते. त्याशिवाय 1.5 लीटर इंजिनचा वापर डिझेल व्हेरियंटमध्ये करण्यात आला आहे, जो 115PS पॉवर आणि 250Nm टॉर्क जनरेट करतो. हे इंजिन 6 स्पीड मॅन्युअल आणि स्पीड टॉर्क कन्व्हर्टर स्वयंचलित गिअरबॉक्ससह येते.

यात ऍपल कार प्ले आणि अँड्रॉइड ऑटो कनेक्टिविटी सोबत 10.25 इंच टचस्क्रीन इंफोटेनमेंट सिस्टम, स्टेरिंग व्हिल कंट्रोल, ब्लूलिंक कनेक्टिव्हिटी, व्हॉईस रेकग्निशन, 7-इंचाचा डिजिटल इन्स्ट्रुमेंट क्लस्टर, पॅनोरामिक सनरूफ, 6 एअरबॅग्ज, वेहीकल स्टेबिलिटी मॅनेजमेंट, आयसोफिक्स मौन्टेड सीट्स, हिल स्टार्ट, अँटी-लॉक ब्रेकिंग सिस्टम (ABS), इलेक्ट्रॉनिक ब्रेकफोर्स डिस्ट्रिब्युशन (EBD) ही वैशिष्ट्ये असतील. Hyundai Alcazar गाडी 17 जूनला भारतात लॉंच करण्यात येईल.

या कारची अंदाजे किंमत 13 ते 17 लाख (एक्स-शोरूम) असू शकते. भारतात याची स्पर्धा MG हेक्टर प्लस, महिंद्रा XUV 700 आणि टाटा सफारी  (Tata Safari) सोबत असेल.

3. Skoda Octavia 2021

स्कोडा ऑक्टाविया सेडान कार भारतात झेक(Czech) कार निर्माता Skoda ची सर्वात लोकप्रिय कार पैकी एक आहे. कंपनीने दोन वर्षांपूर्वी चौथ्या पिढीची ऑक्टाविया जागतिक स्तरावर लाँच केली परंतु भारतीय ग्राहकांना यासाठी प्रतीक्षा करावी लागली.

स्कोडा ऑटो इंडिया कंपनीने नवीन 2021 Skoda Octavia Sedan car एप्रिल-मे महिन्यात बाजारात आणण्याचा निर्णय घेतला मात्र कोरोनाच्या दुसऱ्या लाटेमुळे हा निर्णय पुन्हा लांबणीवर गेला. आता ही गाडी June 2021 मध्ये भारतात दाखल होऊ शकते. ही गाडी फॉक्सवॅगन ग्रुपच्या MQB  platform वर आधारित असून मागील Skoda Octavia Sedan car च्या तुलनेत 19 मिमी लांब आणि 15 मिमी रुंद आहे.

नवीन ओक्टेविया 2021 मध्ये 2.0 लीटर TSI टर्बोचार्ज पेट्रोल इंजिन देण्यात आले आहे जे जास्तीत जास्त 190 bhp पॉवर निर्माण करेल. या सह dual-clucth ऑटोमॅटिक 7 स्पीड गिअर बॉक्सही देण्यात आला आहे. हेच इंजिन स्कोडा सुपर्ब मध्ये देखील वापरले गेले आहे. नवीन मॉडेलमध्ये डिझेल इंजिनचा पर्याय देण्यात आलेला नाही.

ह्या Skoda Octavia 2021 ची अंदाजित एक्स-शोरूम किंमत 18 लाख ते 24 लाख रुपयांच्या दरम्यान असू शकते.  भारतात होंडा सिव्हिक, ह्युंदाई इलेंट्रा आणि टोयोटा कोरोला अल्टिस सारख्या सेडानशी ती स्पर्धा करेल.

Posted By- TheAutoGyan